Diamars anochi polis tabata basta activo buscando ladron den area hotelero, despues cu miembro di seguridad a bati alarma. E miembro di seguridad a mira un pickup color blanco cu algun homber aden. Parce nan a horta varios material di construccion for di un veterinario cerca di Gloria (IMAX).
Unidad di strandpolitie, K9 unit, patruya di Noord y helicopter a busca den e area, pero sin resultado. A rosa mondi pa busca e hombernan cu supuestamente a horta, pero no a topa cu nan.
Un poco mas despues, polis a topa cu e pickup cu nan a uza den e supuesto atraco. A topa cu e pickup den e area di Chalet Suisse, pero sin material y cu taira flat. Pa mas investigacion, a takel e auto y hib’e pa ward’i polis na Balashi.