Diahuebs anochi alrededor di 9:45 pm polis a para un Kia Rio na altura di Ratland na Palm Beach. Ta pa un rato caba tabata sigui e auto aki.
Ta trata di un Kia Rio numera A-41944. Holo di marihuana cu tabata sali for di e auto a alerta polis. A para e auto net dilanti Ratland poco panort di luz di trafico Palm Beach pa un control.
E patruya na sitio a pidi refuerso debi cu tabatin cuater hoben den e auto y holo fuerte di marihuana tabata sali. A controla den e Kia Rio y a haya basta gram di marihuana den un saco.
Polis a papia duro cu e hobennan, un di nan a hasta yora. A confisca e marihuana y otro artfefactonan tambe, manera un grinder. Nan tabatin suerte, no a detene nan pero si nan a haya un bon scual di polis.
