Polis a bay ayera nochi laat na Sero Blanco pa atende cu problema di pareha. E bisiñanan a bati alarma. Cu urgencia polis a yega na e sitio. A topa cu un dama basta bebi y cu no kier a rasona.
El a bolter tur cos pafo riba caya. Den cura tambe a kibra propiedad di su casa.
E señora a sali trip y bin cas burachi. Mas biaha e sa yega cas asina y tin un rabia interno cu e ta baha riba e casa cu agresion. E ta dal e casa cu ta wanta tur e sla.
Dado momento awor si el a cuminsa fada. E ta traha duro pa su cosnan y no kier mira e señora kibra su cosnan asina. Ora di detencion mester a carga e dama cu tabata medio resisti y expresa na grito. E kiermen cu e conoce su derechonan.
Segun por a compronde e señora dos aña pasa a perde un yiu na edad hoben. Djey a perde su mama. E cosnan aki ta traha pisa riba dje. E ta kere cu e alcohol ta yud’e cu e problema. Awor e mesun alcohol, cu agresividad, ta hinc’e den problema serio y hasta pone perde su libertad.
