Diasabra marduga, pa mas of menos 12:30 am, durante un control polis ta tuma nota di un auto cu tabata coriendo malo den e area di Sabana Liber. A trata aki di un Toyota Vitz numera A-30301.
Polis a dicidi par’e pa asina por papia cu e chauffeur, kende tabata bastante bao influencia di alcohol y no tabata den estado pa sigui stuur.
Cu transportwagen di polis, el a haya un lift pa su cas p’asina e por sosega su curpa. Mientras tanto e auto a keda para band’i caminda, wardando asina su doño bin busc’e ora cu e ta den miho condicion.
