Dialuna anochi Polis a wordo manda poco pura den direccion di Weststraat pa hincamento. Varios Unidad di Playa cu a yega na e adres banda di Ex Ritz y Ex Carlos and Charlies no a topa nada. Despues di algun minuut a drenta e yamada cu no ta Weststraat pero Wolfstraat. Polis di Noord a bay mesora na e adres y topa cu un adicto herida. E tabata tin corta na su man cu tabata sangra. Presencia di ambulance tabata necesario. Segun el a splica ta un tal Flint a corte cu sambechi.
Polis a tuma declaracion. A no a bay hospital. Despues a drenta informacion cu un homber herida a drenta un restaurant na Noord tur na sanger. Polisnan di Noord a yega mesora. A resulta cu ta mesun homber cu a wordo corta a yega den e restaurant cu e herida ta sangra. El a laga e lugar tur sushi na sanger y pesey a yama Polis. Parce e tabata arma cu cuchio tambe. A atende cune y core cune for di e sitio pero e no kier razona cu autoridad. Pasenshi di Polis a caba tambe. Pesey mes a bay over na detene y bay cune warda pa e wordo sera. Despues ora e calma lo mande bek su cas.
