Hendenan trahando of bishitando Botica Oduber a bati alarma diasabra anochi. Un homber cu arma blanco y hopi agresivo tabata tin basta hende spanta. Polisnan a yega mesora na e sitio.
A topa cu e homber cu mesun descripcion duna. A bay riba dje y atende cune. No a dura hopi pa polis bay over na su detencion. Parce e momento ey el a logra sconde e arma caba. A busca rond pa e cuchiu pero no a topa cune. A hiba e sospechoso warda pa e calma y un subfiscal atende cu ne.
