Un biaha mas e conoci di polis ta den problema cu husticia. Su actonan di vandalismo y ladronicia cada dia ta escala y no ta mira solucion pa su situacion. Polis y comerciante ta man yen cu ne pero no tin manera pa haci cu ne.
Diadomingo pasa di 10:00 pm, Lloyd ta na careda den Playa riba L.G. Smith Boulevard debi cu el a horta telefon di un persona y sali core bay cu ne. A cuminsa un persecucion den e area dilanti Cocolishi caminda cu doño di e telefon a reconoce e ladron y a bay su tras. Di otro banda Lloyd tambe a purba evadi y busca ayudo cerca un personal di siguridad, indicando cu tin hende ta persigui. Ora e victima di ladronicia a topa cu Lloyd, el a want’e te ora polis a presenta.
Mirando cu e agente tabata su so e momento ey, a warda su colega presenta pa asina nan bay atende cu Lloyd. Un rato despues a transporte pa warda como cu e tabata deteni.
