Dialuna anochi polis a bay pura den parkinglot di un establecimento riba Sasaki. Dos homber lo tabata bringando. Na yegada no tabata pelea pero mas bien discusion riba area publico. A resulta cu e tata cu e yiu a coy un taxi. Nan a bahanan banda di Alhambra. Nan a cana bay pa mira un cine. A constata cu nan a lubida e cel.
Esey ta e motibo cu nan a cuminsa pleita y siguridad a yama Polis. Polis a intermedia. E tata cu yiu ta turista of hende no local cu tin un vakantie largo na Aruba. Finalmente a bon noticia ta cu a notifica e taxista. E taxista di TX-136 corectamente a bolbe. El a tarda poco pasobra a bay te Savaneta pa busca of hiba turista pa bay dinner.
Ora el a bolbe el a entrega e tata y e yiu e telefon. Djey e mes a hibanan bek e siguiente destino. Un anochi di poco tension entre tata cu yiu pero cu un bon final. A aprecia e forma cu taxista di TX-136 s atende e situacion tambe.
