Polis a avisa adelanta pa tur hende controla e documentonan di nan truck y vehiculo cu lo participa den parada di flambeu.
A avisa pa tur keur nan truck y trailer prome cu parada. Parce a bira custumber cu no ta duna oido na e yamada aki. Toch tur parada den pasado aunke no a keur e parada ta sigui.
Den e prome parada seis di januari si e control di polis tabata sin pordon. A palabra cu truck sin documento of sin keur lo haya nan mes den problema.
Diasabra anochi varios truck a subi caya cu un of mas grupo pa e parada di Fakkel. Polis a baha pisa cu nan control y topa truck sin keur y hasta sin number paga. A topa tambe mesun number riba dos diferente truck den parada.
A avisa esnan cu nan papelnan no ta na ordo cu nan no por sigui den e parada. Logicamente pa e participantenan cu a paga e ta un problema. Polisnan no a desvia y duna chens e biaha aki. Tur aña a laga pasa y e biaha aki sin no a duna chens. A adverti adelanta.
No por culpa polis pero culpa esnan cu mester a zorg pa documento di nan vehiculo ta na ordo.
Ademas di truck tabata tin tambe autonan lastrando bar etc cu no tabata tin papel na ordo. Tur mester a keda pafo di parada.