Manera ta conoci, ayera tardi gobierno a manda un ‘orde van maatregel’ relaciona cu e accion di protesta di Sindicato di Polis (SPA). Hues a bay di acuerdo y a informa e presidente di e sindicato cu; si sigui cu accion, tin cu paga un multa di 100 mil florin pa cada dia cu protesta. A orden’e pa termina cu e accion mesora.
Awe merdia SPA a reuni cu su miembronan y a informa nan riba decision di hues. Pa awo, e polisnan no lo protesta mas, pendiente e caso den Corte y lo sigui traha nan ora regular segun ley ta stipula. Relaciona cu e Parada Nacional di Luz dia 26 di februari proximo, e polisnan lo traha tambe, pues tanto paden como pafo di e parada manteniendo orden publico, manera nan a huramenta p’e.
