Den cuadro di e concepto di ley ontwerp-Landsverordening houdende wijziging van Boek 1 van het Burgerlijk Wetboek van Aruba en het Wetboek van Burgerlijke Rechtsvordering van Aruba in verband met het bevorderen van voortgezet ouderschap na scheiding (bevordering voortgezet ouderschap en zorgvuldige scheiding) firma pa Minister Bikker den un reunion dia 20 di april 2021, caminda mayor lo tin di regla e asuntonan pa locual ta nan yuinan den un Plan di Mayor.
Un Plan di Mayor ta un contract stipula pa ley den cua e mayornan di mucha menor di edad ta palabra riba preto cu blanco con nan lo comparti e responsabilidad di nan yuinan prome cu nan separa. E contract aki ta conta pa mayor cu ta casa y ta bay divorcia, pa mayor cu tin un ‘geregistreerde partnerschap’ y/of un ‘samenwoningscontract’ y ta bay separa, pero tambe e ta conta pa mayor cu nunca a casa y simplemente ta biba hunto. E idea ta cu e Plan di Mayor lo bay ta disponibel riba un website den 4 idioma: Papiamento, Hulandes, Ingles y Spaño. Unabes cu e website ta online, e mayornan lo por download esaki gratis.
Den e contract tin 9 tema principal y cada tema principal tin algun articulo cu e mayornan por añadi of laga afo, dependiendo di nan situacion personal. E siman aki lo concentra riba e prome tema.
E biaha aki nos lo concentra riba:
Articulo 2 – Caminda di biba principal/mudamento/paspoort
2.1 E yiu(nan)/nomber di yiu(nan) tin nan luga principal di biba cerca su/nan mama/tata y lo ta inscribi riba su adres na censo. E lo tin derecho pa cobra e placa pa yiu (puntra tocante kinderbijslag Aruba).
2.2 Den caso cu tin un mudamento planea, e mayornan lo consulta cu otro prome. (por amplia eventualmente dependiendo di e areglo di contacto).
2.3 E paspoort(nan) di e yiu(nan)/nomber … di yiu)nan) ta den poder di e tata/mama. E lo entrega e paspoort(nan) den caso cu ta necesario pa un vakantie den exterior.
Den e nulmeting haci pa Centraal Bureau Statistiek Aruba a bin constata cu entre e mayornan encuesta, 60,3% no tabata regla nada relaciona cu nan yuinan prome cu nan separa. Banda di esaki, tambe a constata cu mayoria biaha nan ta encontra conflicto pa locual ta trata e tema di unda e mucha ta biba y tema rond di mudamento. Un Plan di Mayor lo haci mas facil pa e mayornan palabra y comparti nan responsabilidadnan pa nan yuinan prome cu nan separa.
Cada siman lo comparti mas informacion y splicacion di e temanan di Plan di Mayor.
Paso’ ta un mayor ta un responsabilidad comparti pa semper!
Michella Steenvoorde – Laclé
Presidente Cie. Voortgezet Ouderschap
