Diabierna anochi polis a presenta den Luxemburgstraat p’un accidente. Ta despues cu habitante a bati alarma p’un zonido duro pafo di nan cas. Ora a sali pafo, a topa cu su cura di cas basha abou y un Kia Rio su front tur kibra dilanti su cas. Di leu a mira algun chabelito a subi un auto y bay direccion noord.
Polis mesora a cuminsa cu su investigacion, a resulta cu e auto ta procedente di joyriding. Pa investigacion mas profundo, a tuma e auto den beslag. No mucho rato despues, polis a detene algun persona den area di Bushiri, ta sospecha cu di un forma of otro tin di aber cu e caso di joyriding.
Tin cu indica si, a nota un aumento grandi di casonan di joyriding, specificamente pa e autonan marca Kia modelo Rio. E team di joyriding di Cuerpo Policial ta trahando duro purbando di resolve e casonan aki.
