Diabierna anochi alrededor di 11:15 pm polis a duna un auto marca Nissan modelo March color cora señal pa para cerca di rotonde di Ling & Sons pero e chauffeur a haya ta bon di trot y purba huy.
Mesora a cuminsa persigui e auto te ora cu a logra par’e den e compleho di casnan social na Bushiri. Na prome instante tabata busca personanan relaciona cu posibel caso di joyriding, pero na final a detene dos hende muhe cu tabata carga cu droga den auto. A confisca e droga y transporta e dos personanan deteni pa warda di polis.
