PKF Aruba Financial Services a celebra habrimento di aña 2024 cu un fiesta na nan oficina situa riba L.G. Smith Boulevard. Un cantidad di comerciante y dirigentenan comercial a uni pa repasa e aña cu a transcuri y pa prepara pa e aña nobo cu apenas a cuminsa.
Drs. ing. Edsel Lopez RA a sigura cu nan ta masha contento con henter aña 2023 a bay. Un aña sigur hopi exitoso pa nan compania. Nan ta desea tur cliente un bon aña, cu hopi prosperidad, cu hopi salud y mas exito, pasobra e trabao ta awo pa sigui brinda e bon servicio manera semper.
“Na tur colega di trabao, manera mi a bisa for di prome di juli 2023 cu nos a cuminsa, ya nos a surpasa tur expectativa. Nos ta premira cu 2024 ta bay ta un aña super bon y nos ta hopi contento cu e acogida cu nos ta hayando den comercio,” asina Edsel Lopez, partner na PKF Aruba Financial Services a expresa cu un sonrisa di satisfaccion riba su cara.
Portfolio di servicio ta amplio
PKF Financial Services ta ofrece diferente tipo di servicio na negoshinan, manera traha businessplan, evaluacion pa mira con companian ta bayendo y con por sigui crece, examinacion di diferente instancia na Aruba, tambe duna conseho riba tereno di accounting, servicio financiero y pa hospitalidad.
Nan portfolio di servicio ta hopi grandi y cu hopi experiencia di varios aña den e industria, awor brindando e servicio y compartiendo experiencia aki den un PKF Aruba Financial Services. “Nos ta gradici tur cliente, business partners y coleganan di trabao, tur cu a aporta pa awe PKF ta unda e ta. Nos ta hopi contento y orguyoso di kico tur a logra den e ultimo seis lunanan.”
Apenas seis luna
Dia 3 di juli ultimo a funda e oficina di PKF oficialmente na Aruba. PKF ta un compania mundialmente reconoci ariba e tereno di Consultancy, Audit, Tax I Accounting. Dos accountant confiabel y respeta na Aruba y den Caribe Hulandes, esta drs. Ing. Edsel Lopez RA y drs. Herbert van Elferen RA CIA ta tras di e nomber aki mundialmente reconoci.
A funda e oficina di PKF Aruba hunto cu e meta pa inverti, desaroya, yuda e futuro generacion di profesional local crece y principalmente pa comparti nan experiencia y conocemento cu nan clientenan. E comienso nobo aki hunto ta un bon ehempel di tin pasenshi, determinacion, lealtad, perseverancia, trabou duro y dedicacionan na cliente y na e comunidad local. PFK t’ey pa yuda tur persona agrega un balor adicional na nan negoshi, logra nan meta y bira e miho den nan tereno, cu un calidad di trabou riba nivel halto manera semper nan a sa di brinda nan clientela.
E servicionan di PFK Aruba ta encera entre otro “Corporate finance services”, “Financial advisory services”, “Accounting advisory services”, “ISQM1 and ISQM2 related services”, “Business Advisory services” y tambe “Interim management services”.
Tocante Edsel Lopez
Edsel N. Lopez ta un persona respeta y conoci na Aruba. E tin un historia exitoso di hopi aña di experiencia den assurance and advisory business door di traha cu cuater di esunnan di mas grandi di Hulanda y Caribe Hulandes. E ta conta cu un bachelor’s degree den “Information Technology and Economics” di e Universidad di Eindhoven, Hulanda y e tin un master’s degree den “Administrative Information Science” cu el a obtene for di Tilburg University na Hulanda. E ta un Dutch licensed certified public auditor (RA) y a traha pa PricewaterhouseCoopers (PwC) na Hulanda y Caribe Hulandes. El a bira e promer partner Arubiano den e oficina di accountant PwC di Caribe Hulandes na aña 2001. Den e funcion aki el a fungi tambe como territory senior partner pa PwC den Caribe Hulandes. E tabata involucra den diferente proyecto den e sectornan grandi, tanto di gobierno como priva. Su experiencia specifico ta den e areanan di: mercado industrial, turismo, horeca, banco, seguro, telecomunicacion, comercio, empresa grandi y chikito, gubernamental y semi-gubernamental.
Tocante Herbert van Elferen
Herbert van Elferen ta un accountant certifica. E ta confiabel, pasiona y ta un profesional comprometi den Caribe Hulandes. El a start su carera profesional na aña 1996, brindando servicio excepcional y cu resultado di calidad halto, pa un variedad di organisacionnan cu ta opera den varios industria. E ta conta cu riba 25 aña di experiencia den e negoshi, cerando buki y liderando assurance and advisory na comercio local.
Tocante PKF
PKF, cu antes tabata yama “ Pannell Kerr Forster” ta un red di agencianan global di accountancy. E ta conta cu no menos di 215 miembro independiente cu ta opera bou di e marca PKF den 151 pais parti den cinco diferente region. Hunto nan ta conta cu 20.000 professional y awendia e ta postula na posicion number # 14 di e miho red di accountantnan na mundo.
A funda PKF na aña 1969, ora cu cuater oficina di accountant di Australia, Canada, Inglatera y Merca a uni pa crea un asociacion internacional. Na aña 1980 e miembronan a dicidi pa uza “ Pannell Kerr Forster” como nan marca comhun. Na aña 2000 a dicidi pa, en bes di uza e nomber completo, pa uza e abreviacion, esta PKF.
Pa mas informacion por tuma contacto cu PKF Aruba na +297 6990990 of via email [email protected]
