Piscina Olimpico Roly Bisslik y Community Pool ta anuncia cu despues di basta dia, ta habri un biaha mas pa publico por presencia training y tambe por ta presente durante eventonan deportivo di natacion.
Tur esaki ta posibel awor cu e cambionan haci den e ultimo Protocol General di Deporte Version 7.0, 25 november 2020.
Desde 25 di november 2020:
• Prohibicion di aglomeracion (samenscholingsverbod) no ta aplicabel ora di haci deporte tanten no tin un multitud grandi di participacion
• Ta permiti publico durante training y evento deportivo
• cu un maximo di 4 hende por sinta hunto
• mas cu 4 hende por sinta hunto, si tur ta biba den mesun hogar
• e gruponan den publico mester mantene 1,5 meter di distancia fisico for di otro
• Mondmasker ta:
• Recomendabel pa tur coach/trainer pa deporte paden y pafo. Ora cu NO por mantene distancia fisico di 1,5 meter, ta obligatorio bisti mondmasker.
• Tene cuenta y respeta cu facilidad, scol, of e organisacion por exigi medida mas stricto riba uzo di mondkapje
• Ta obligatorio pa publico ora di entrada y prome cu yega na e asiento di un evento of training usa hand sanitizer
