Piscadonan a protesta awe y a entrega un manifiesto riba fast track regulation cerca presidente di Parlamento. Nan kier haya un solucion pa nan situacion y cu nan por sigui pisca pa provee cuminda na nan famia, pero tambe pa por bende y haya un entrada.
Presidente di Parlamento, mr. Juan “Ady” Thijsen, a scucha kico e piscadonan tabatin di bisa y di biaha a acepta nan manifiesto. Presidente di Parlamento a pidi e piscadonan pa duna nan dos siman pa yama ministernan concerni pa papia riba e situacion di piscamento cu harpoen.
Dos minister a priminti nan, pero no a cumpli. Ta pidi pa bin cu e fast track regulation y pa yega na un solucion. Fauna a bisa di a entrega un papel, pero nan kier p’e ministernan ta serio. A kita harpoen di un mucha homber pero tambe a kita su pisca. Nan ta sinti cu ta jaag riba nan, pasobra unda cu antes polisnan no ta pasa awo ta pasa eynan, muchanan no por bula na awa y ta kita nan pisca, nan no por pisca na baranca. Si den dos siman no a haya nada, nan lo regresa!
