“No tin influencia politico riba Ministerio Publico.” Esey ta loke cu Procurador General mr. Bote ter Steege a menciona durante di un rueda di prensa cu a tuma luga despues di su audiencia cu Prome Minister demisionario mr. Evelyn Wever-Croes, den su calidad di formado. El a referi na e gobierno anterior (AVP) ni esun actual (MEP).
El a menciona tambe cu si mester t’asina cu tin cualkier influencia riba Ministerio Publico, cu e lo bandona e isla mesora y tuma su retiro como PG, asina ter Steege a menciona durante su encuentro cu prensa.
Riba e pregunta haci riba e caso di Benny Sevinger, ter Steege a menciona den un tono basta fuerte di no sa ki expresionnan a tuma luga den corte. E no tabatey pa por bisa locual e fiscal a uza como argumento of no. Pero un cos si e por bisa ta cu ta hues lo dicidi si e sospechoso ta culpabel di e delito of no.
Por lo general, e audiencia mes cu e formado a bay bon, caminda cu a discuti varios aspecto hurididico pa loke ta Ministerio Publico, e cooperacion di Merca cu Aruba, mirando cu nos ta forma parti di Reino Hulandes y tambe nos fronteranan.
Pa mas cobertura lesa TREMPAN mañan.
