Dialuna atardi alrededor di 4:55 pm a inicia un persecucion den Playa. For di e area patras La Salle College ta unda cu a start e persecucion tras un di Nissan March color blanco. A sigui den varios caya den Playa y a termina den Celsiusstraat den Companashi.
Polis a detene e chauffeur mesora. E no tin un rijbewijs valido. E tabata compaña cu cuater persona mas den auto, tres hende muhe y un hende homber. E pasaheronan a keda na pia y a cana bay cas. Polis a confisca e auto y a transporta e chauffeur pa warda di polis caminda lo present’e dilanti un subfiscal.
Den auto a topa cu dos arma blanco, un cabito di marihuana y un mas articulo cu funcion pa ‘grind’ marihuana.
