Marien Lacle a bishita Gloria p’asina pasa un rato cu famia pero inesperadamente coriente a bay den e sala. Na prome instante a bisa nan pa warda un rato p’asina purba di ‘restart’ e pelicula pero no a logra.
Nan a firma e ticket di e pelicula pa nan por mir’e di nobo prome cu dia 31 di juli of por mira cualkier otro pelicula cu nan ta desea. Pues nan no a sali perdi mirando cu nan a haya e ticket bek.
Lacle y famia ta contento, nan a keda cu gana pero na mes momento nan a haya algo extra pa e incidente. E ta consciente cu ta cosnan cu por pasa y ta satisfecho cu e servicio di GLORIA.
TOCANTE GLORIA
Aruba tin e compleho di cine mas moderno di Caribe: Gloria. E nomber ta asocia cu e famia De Veer y cu cine na Aruba desde 1920. E compleho aki ta situa riba Avenida Nelson Oduber (ex Sasakiweg) y di acceso facil pa usuarionan. E proyecto, cu ta inclui salanan VIP y sala usando e tecnologia moderno IMAX, a encera un inversio di no menos cu 40 miyon florin. Famia de Veer a bisa na su apertura cu esaki ta un regalo na un pueblo cu a apoya nan pa 100 aña largo.
