E biaha aki no tabatin banana envolvi. Diaranson anochi alrededor di 11:45 pm a sosode un pelea grandi den lobby di Holiday Inn Hotel. Aki ta caminda cu un grup’i turista sinta na bar a hay’un clesh formal cu un otro grupo. Den e bay bin entre e turistanan, un di nan, hende homber a pasa den scondi di patras y choca un hende muhe mand’e suela.
Ey e dos gruponan a cuminsa hala otro cu conopi. Mirando cu miembro di siguridad di e hotel no por a domina e situacion, a bati alarma mesora na polis. Na yegada di polis, ya e agregesor a bandona sitio caba. A tuma informacion for di e victima y a sigui cu nan patruya. Testigonan a conta cu, nan ta consider’e mas bien un pelea di huñamento.
