Awe a inicia e temporada di Cuaresma cu e diaranson di shinishi. Un acto simbolico di arepentimento cu tabata existi for di inicio di iglesia, Pastoor Andry Soto ta conta.
E bashamento di shinishi riba cabes tabata un señal di arepentimento y resucita hunto cu Cristo. E diaranson di shinishi ta mustra cu tur hende por bini bek di e bida di pecado. E ta un tempo pa refleha y mira kico por drecha den bo bida, Pastoor Andry ta conta..
Ricibiendo e shinishi, e fiel ta reconoce cu e ta bin di tera y den tera ta bay. “Cu nos ta debil y chikito dilanti Dios, y cu nos tur mester bini bek na reconoce na loke ta Dios. E ta un señal cu kier renoba di paden pa por ta feliz y contento riba Pasco di Resureccion.”
Durante e temporada aki riba tur diabierna lo tin e Caminda di Cruz, durante cual ta medita riba e Pasion di Señor. Durante e Caminda di Cruz lo ripara cu Dios a stima nos di un manera bunita. Berdad el a muri door di nos picanan pero e parti mas precioso ta cu loke el a pasa aden ta pa yena nos curason cu speransa y alegria.” P’esey ta organisa e camindanan di cruz na diferente parokia.
Durante e temporada aki tin diferente acto cu ta yuda e fielnan medita riba e sufrimento, e pasion y morto di Hesus, pero cu e speransa di Resureccion. “Pero nos mester prepara pasobra no por yega na diadomingo di Resureccion sin e Diabierna Santo.
