Tabata alrededor di 12:45 am cu a sosode un accidente riba L. G. Smith Boulevard, net poco prome cu Turbo rotonde. E autonan envolvi ta un Kia Picanto y un Nissan March. Ambos tabata bayendo direccion pabou riba Bouelevard.
Segun declaracion; e chauffeur di e Kia a spanta ora cu e March a bay pas’e. El a baha caminda y bay del den un baranca. E chauffeur di e March a perde control y bay dal den cura di APA.
Den e Picanto tabatin dos dama, un na stuur y un sinta na banda, ningun a resulta herida. Di otro banda, den e March si tabatin persona cu a resulta herida. Un di nan tabata keha di basta dolor na su lomba.
Tur cos ta mustra cu alcohol a hunga un rol grandi den e accidente aki. Na sitio, a nota con a saca un boter di alcohol for di e March y pas’e den un otro auto cu tabata na sitio. Na final ambulance a transporta un di e personanan cu tabata den e March pa hospital, caminda e lo ricibi atencion medico avansa. Daño material na ambos auto tabata basta.
