Parce cu tin hende cu no kier a busca caminda pa cas marduga diasabra. 12:00 am tur localidad mester ta cera. Asina mes pafo di bar nan di San Nicolas tabata tin hende a keda riba caya. Polis a cuminsa atende cu nan den careda di 1:00 am p’asina nan busca caminda pa cas. Nan a cuminsa hunga wega cu polis.
Ora polis bisanan bay, nan ta djis crusa bay otro banda. Asina a keda hunga cu polis y p’esey polis a actua pa pone un fin na e wega. A busca un transporte policial y bay over na detencion.
Den caya grandi a detene un persona. Djey den cercania tambe a haci otro detencion nan. A sigui pa e area di American Bar unda eynan tambe a haci detencion.
Total cuater detencion a tuma luga. Informacion di esunnan cu conoce e area ta bisa cu e problema ta na Bongo Bar y American Bar unda grupo nan ta aglomera causando molester y no tin gana di bay cas.
