Awe ta Black Friday conoci pa ta un dia carga di descuento y Super Do It Center no ta keda afo. Den henter tienda tin descuento riba tur mercancia. Si, sin laga nada afo.
Nos tabata den Super Do It Center na Shaba caminda awe y nos a combersa cu Lisanne Coffy, di e departamento di marketing y a duna nos un tour den e tienda mustrando nos tur e descuentonan cu Super Do It Center tin pa ofrece riba awe, Black Friday.
Manera e seccion di paña nan tin 30% di descuento cash y 2% na points. Si bo ta miembro, bo ta haya 32% na final.
Semper ta emocionante cu cada biaha cu tin yen di hende ta drenta y e tienda ta full yen. Na Do It Center, e clientenan ta probecha di e descuentonan den henter e tienda. Tambe full e seccion di grill, tin 15% riba henter e seleccion.
Pa loke ta e supermercado mes, Super Do It Center, ta yena cu descuento. Tin un Thank You Special. Tin un Thanksgiving Special tambe, sin lubida e weekly special cu ta sali tur diabierna y e Black Friday Special cu ta conta awe so cu super bon prijs. Fuera di esey tin Holiday Special. E supermercado ta yena cu special riba diferente producto y sa di e productonan cu ta esencial cu ta pa cas y e temporada aki.
E biaha aki tambe tin descuento den e seccion di Building Material parti pafo, caminda cu e cliente ta haya 10% di descuento cash y 5% na punto si bo ta miembro.
Asina ta si bo no ta miembro, download e app di Do It Center, bira miembro y cuminsa probecha di e descuentonan cu tin.
Do It Center ta trata e cliente manera un rey, asina ta abo ta sali beneficioso cu e descuentonan cu tin awe riba Black Friday.
Riba un dia manera awe, e tienda na Shaba ta habri te cu 9:00 pm y e otro dos tiendanan na Camacuri y Savaneta ta habri te cu 6:00 pm. Tur descuento y special ta conta pa Do It Center na Camacuri y na Savaneta tambe.
Descuento tin pa un y tur na Super Do It Center. Asina ta probecha y pasa wak pa bo mes.
