Muchanan na Garage Cordia ta creativamente bezig, pintando e auto di nan soño, pa asina nan tambe tin e chens di participa na un grandioso concurso cu Toyota ta organisando, hunto cu Garage Cordia Aruba.
Muchanan tin chens di gana un premio y probablemente bay Hapon na Augustus. Joylene de Nobrega, representante di Garage Cordia, a comenta cu for di tempran diasabra, muchanan a yega na Garage Cordia pa asina nan por pinta.
Aki nan tin un Dream Car Corner, caminda e muchanan por los nan creatividad. Nan ta habri te cu 1’or di merdia, asina ta muchanan por yega y laga nan fantasia los. Aki tin tin tur cos disponibel. Tambe nan por pickup e formularionan na Garage Cordia, pasobra nan tin cu pega e formulario hunto cu nan pintura.
Por haya esaki tambe riba nan website www.toyotaaruba.com, si no haya e chens pa pasa na Garage Cordia. Download e entryform, peg’e hunto cu e pintura y entreg’e. Ultimo dia pa entrega ta dia 15 di Maart na Garage Cordia. E pinturanan mas bunita ta sali den un calender.
Ta saca 3 ganado den 2 categoria. Tin premionan cash. Ta manda e ganadonan aki pa Toyota y e ganadonan lo sali den e calender. E 3 ganadonan na Toyota lo sali riba e carchinan di pasco y tur participante lo sali den buki di Toyota.
Otro siman, dia 15 di Maart ta e ultimo dia cu por entrega e obranan na Garage Cordia na Camacuri y dia 16 di Maart lo saca e ganadonan di Aruba. Despues di esey ta manda e pintura pa Toyota y na Augustus e feliz ganado lo haya un biahe pa Toyota cu tur gastonan paga.
Asina ta, ainda bo tin chens. Pasa cu bo yiu(nan) na Garage Cordia awe, te cu 1’or di merdia, unda cu nan por demostra nan creatividad y alabes competi den e Dream Car Contest di Toyota y alabes, mayornan por bin tira un bista riba e autonan cu tin den e showroom.
