Diabierna Parokia di Cristo Rey a tene un procesion di silencio. Pastoor Andry Soto a splica mas tocante e procesion di silencio aki.
Despues di celebra e Pasion di Señor, diferente parokia a haci nan Caminda di Cruz. Ta un momento pa ta den silencio, pa medita di e shete palabranan di Hesus riba cruz y e shete dolornan di Mama Maria. P’esey e imagen di Birgen Dolorosa y e Santo Sepulcro. Pa despues di e morto, compaña Maria, den su sufrimento y su dolor, di e morto di su yiu, ora cu nan a pone Hesus den e graf, e silencio cu a bin na mundo.
Medita y compaña Mama Maria ta e punto principal, medita y compaña Mama Maria den tur su dolor. Varios miembro di e parokia y varios otro feligres a participa den e procesion aki.
Nan a bishita diescuater cas, dilanti di cas, nan ta haci oracion, ta medita riba e palabra di Mama Maria of un di e palabran di Hesus. Varios ruman di Parokia di Brazil a forma parti di e procesion. Ta motiva pa medita riba e morto y silencio di Hesus, pa cual nan ta cana cu a imagen di Birgen Dolorosa. E procesion a yega te na e supermercado.
Pastoor Adry a pidi cada un pa medita riba e amor di Dios, riba e fe, cu ta duna e forsa pa sigui confia riba e amor di Dios. Cu si a entrega su Yiu te na morto, ta pasobra cu algo special. No tin Diabierna Santo sin un Diadomingo di Resureccion. Cada dolor y sufrimento tin su nificacion.
Un procesion cu a cuminsa for di Palisiaweg na San Nicolas.
SIMAN SANTO
Durante e Siman Santo, cual a cuminsa Diadomingo di Rama, Parokia Cristo Rey na Brazil tabatin un programa prepara pa loke ta e Santo Sacrificio di Misa di henter e siman.
Tambe tabatin varios actividad relaciona cu e Siman Santo, cual a varia di entre procesion, Eucaristia Solem, Santa Cena y asina mucho mas.
