Lider di fraccion di MAS, Marisol Lopez-Tromp recientemente a manda un lista di pregunta pa prome minister, a traves di un carta na parlamento, relaciona cu retiro di e dos directornan di WEB Aruba NV.
Entre otro e parlamentario a pidi pa haya copia di e corespondencia entre Utilities y gerencia di WEB riba e retiro, como tambe e condicionnan di contract di trabao di e dos directornan pa termina nan contract y kico tabata e acuerdo final cu dicho directornan.
Aunke cu Lopez-Tromp ta wardando riba su contestanan, lider di fraccion di Accion 21 ta comenta cu ta studiando e contestanan duna ainda, cual Miguel Mansur ta enfatisa cu gran parti di nan no ta contesta mirando cu tin un ‘non-disclosure agreement’.
E ta sinti cu no ta aceptabel pa pueblo bisa cu un ‘non-disclosure’ agreement ta cubri e gastamento di placa y no ta aceptabel pa bisa cu ta Utilities so ta e accionista.
Pa cobertura mas amplio lesa edicion di TREMPAN mañan.
