Un rato pasa, den careda di 1;00 pm, dos vehiculo a accidenta riba Katunastraat, na e crusada dilanti Coffee Spot na Ponton.
Dunamento di preferencia a hunga un rol. Un auto color preto (Toyota Passo numera A-36547) a crusa dilanti di e Nissan (Almera numera A-11314) cu consecuencia cu a dal den otro.
Hasta por a aprecia marca di brake cu e chauffeur di e auto Almera a laga atras, purbando di para of desvia pa evita e choke.
E daño no tabata hopi, pero lamentablemente un mucha menor di 10 aña a resulta herida. Tin di bista cu el a hiba un susto basta grandi y a ricibi golpi na su cabes. A pidi presencia di ambulance pa bin atende cune na sitio.
Polis a cera caminda momentaniamente pa investigacion mientras road service a colecta tur datos di seguro.
