Diadomingo marduga pasa di 5or a sosode un accidente. Un Accent a baha caminda na man robes bay dal den un cura di cas. E pareha hoben tabata caminda pa sea Tanki of Kapel di Alto Vista.
Den e caminda cu velocidad poco halto e chauffeur a mishi un pida baranca cu e auto na man drechi. Djey e chauffeur a perde control bay den robes dal den un cura di cas. E cura logicamente a sufri daño pero e auto a keda hopi kibra. E dama a dal su cabes den windshield.
![](https://24ora.com/wp-content/uploads/2022/02/6C9FA219-9A01-4062-803B-03FFE60C2164.jpeg)
![](https://24ora.com/wp-content/uploads/2022/02/55828FCD-C9F4-4705-80A3-3A25C0924D91.jpeg)
E tabata tin sanger ta core for di cabes. E mucha homber tambe tabata tin herida. Prome instante nan no tabata desea ambulance. Asina mes polis a consehanan pa laga haci un control. E paranediconan di ambulance cu a yega a atende cu ambos victima na e sitio mes. Takelwagen a presenta pa bay cu e auto. E trip di e pareha hoben a caba malo diadomingo casi mainta.