Cuerpo Policial tabatin 110 polis riba pia pa asina zorg pa tur cos bai trankil durante Parada di Mucha na Playa. KPA a conta cu diferente departamento e.o. polis uniforma, K9, ME, Motorunit, recherchenan y tambe personal di CEA.
Pa exactamente 2 or di atardi e cabes a sali y yega bek pa 6:05 pm na Aruba Entertainment Center. E ultimo grupo a yega faltando 10 minuut pa 7or. Durante e parada tabatin diferente detencion e.o. a haya droga, arma blanco den poder y e usual hende dimas burachi y esnan cu a bringa cu otro. KPA no por a duna un cifra total di detencion cu tabatin durante e parada pero sigur ta papia di alrederdor di 15 detencion.
