Den fin di siman famia a celebra un fecha special pa Gerard Hoftijzer. El a cumpli e bunita edad di 90 aña.
Lamentablemente esaki a sosode net den tempo cu Aruba, y resto di mundo, ta pasando den un crisis grandi. Esaki sinembargo no a stroba famia di haci algo pa nan familiar sintie special riba e fecha aki.
Hopi hende kisas no sa ken ta Gerard Hoftijzer, pero si bo bisa “Papa Sos” mesora tur hende ta recorde. El a traha no menos cu 38 aña cu refineria LAGO.
Debi na e situacion mes, e famia no por a bishita nan ser keri y for di cura mester a salud’e na e Cas di Cuido unda e ta kedando. E celebracion a tuma luga hunto cu su compañero(a) di cas.
