Un noticia cu a cay manera un baño di awa friew ta e anuncio na e trahadornan cu Panaderia Moderna ta cera. Ultimo dia di trabou ta 31 di July. E trahadornan a haya e notificacion dialuna merdia. A ofrece e trahadornan cuater luna di salario pre aviso y cesantia. Asina mes a tende e trahadornan bisa cu e censantia ta nada pa e añanan di servicio. Aunke e doño Miguel Nucete a bisa e trahadornan cu a chek e derecho di e trahadornan prome na Departamento di Labor.
A base di esey a haci e calculacion di cesantia pa e añanan di servicio y cu cuater luna di salario. Ningun hende a spera esaki. Den mesun rosea y simultaneamente na Bright Bakery e trahadornan a haya notificacion cu nan lo haya un hefe nobo. E doño di Panaderia Moderna ta tuma over e panaderia di famia Bareño. Algun trahado na Panaderia Moderna a ser ofreci pa join y sigui cu Bright Bakery.
Ora e noticia aki a drenta via algun trahado preocupa y tambe famia of amistadnan di e trahadonan, a busca contacto mesora cu Miguel Nucete cu no a coy telefon y tambe Franky Bareño cu a reject e yamada. Lo keda pendiente pa un yamada bek di ambos doño di panaderia pa asina haya algun informacion extra di loke e trahadornan di Panaderia Moderna y tambe Bright Bakery a tende dialuna cu den tres dia mas no mester lanta marduga pa bay traha y prepara pan fresco. Panaderia Moderna tin decadanan largo ta ofrece pan fresco for di mainta trempan. No ta conoci si tog lo habri un Bright Bakery unda e localidad di Panaderia ta awe. E informacionnan aki nos lo confirma ora cu e doño yama bek.
