Diadomingo atardi alrededor dio 6:00 pm polis a presenta cu urgencia na Nicky Beach. Ta despues cu a bati alarma p’un pelea grandi. Un grupo a yega n’e beach y golpia un duo. E tabata algun minuut di basta golpi y gritamento.
Por lo menos dos a keda atras cu wowo baha. Na yegada di polis a topa cu e dosnan cu wanta sla. A topa ambos cu wowo baha. A conta polis cu e grupo ya a bandona sitio y cu ta trata di algun paisano di nan, di Colombia. Tur cos ta mustra cu ta trata di un reglamento di cuenta.
Basta persona cu tabata riba beach e momento ey a purba intermedia pero ora a mira mokete ta bay di banda pa banda, a dicidi di para den banda y mira e show pa evita cu golpi ta coy curpa. Polis a tuma tur informacion necesario y a sigui cu nan patruya riba caya.
