Falta di preferencia ta keda un problema. Y por a mira esey un biaha mas den ora di atardi. Diaranson atardi, den careda di 5:00 pm, a sosode un accidente na e crusada entre Rudolf Arendstraat cu Emmastraat. E accidente tabata entre un Toiyota Yaris blanco number A-22625 y un Toyota Corolla berde.
N’e accidente aki por a nota cu falta di preferencia a hunga un rol. Daño material na ambos auto tabata considerabel. Polis di trafico a presenta n’e sitio pa asina atende cu esunnan envolvi den e accidente aki. Polis a tuma informacion con tur cos a sosode.
Dos persona a resulta herida, unda nan tabata keha di dolor. Di biaha a pidi asistencia di ambulance. E ambulance a yega na e sitio pa asina e paramediconan brinda asistencia medico na ambos persona envolvi den e accidente.
