Diaranson mainta un biaha mas un ekipo special di polis a bay den e cayanan di Oranjestad hunto cu famia Ramchandani-Godet pa haci entrega di un calacuna na e famianan di menos recurso den centro di ciudad.
Esaki cu sosten di polis di bario di Oranjestad pa cu e bunita causa aki. Diferente famia a keda masha agradecido di por a haya un calacuna pa dia di “Gracia”. Den momento di mas dificil e bondad di por yuda otro ta alegra bo curason.
Cara contento, wowo yena cu awa ta locual e polisnan a topa durante e acto aki di bondad. Sigur cada famia lo disfruta di e calacuna pa e dia di “Gracia”. Cuerpo Policial Aruba ta yama danki na famia Ramchandani-Godet, Fundacion Internacional Paraiso De Las Rosas (FIPDLAR) como tambe nos polisnan cu a sa di yuda den e bunita gesto pa cu e entregamento di calacuna na cada famia.
