Desde awe dialuna, 22 di maart, funcionarionan di DOW y trahadonandi CIC NV a cuminsa cu e trabounan pa ehecuta un proyecto di adaptacion di e caminda na Savaneta.
A cuminsa den oranan trempan di mainta pa desvia trafico pa cuminsa cu e trabounan di construccion di un sorteervak dilanti di La Granja y T-Weg di Jara.
Durante construccion ta necesario desviacion di trafico for di 9’or di mainta pa 4’or di atardi mientras cu e T-Weg di Jara lo ta cera 24/7.
Lo bay cera e ruta Oranjestad pa San Nicolas for di rotonde Pos Chikito te cu crusada di La Granja. Ey lo desvia e trafico via Spaans Lagoenweg, Santo Largo y Savaneta.
Segun DOW a anuncia, e trabounan ki lo tin un duracion di 8 siman. Pa e motibo aki chauffeurnan mester tene cuenta cu principalmente den oranan di mainta mester sali mas trempan pa por yega Playa, mirando cu esaki ta e unico caminda pa bay abou of ariba.
DOW, C.I.C. N.V. y KPA ta pidi pueblo di Aruba y tur automobilista pa tene cuenta cu e desviacion y e inconveniencia cu lo por surgi riba e ruta menciona pa cual nos ta pidi nos disculpa y ta gradici pa e comprension y cooperacion.
