Diasabra marduga alrededor di 3:40 am a sosode un accidente un poco peculiar. Aki ta caminda cu dos auto riba e caminda di Boegoeroei a accidenta. Un di nan so a keda na sitio. Ta trata di un Suzuki Swift color preto. Chauffeur di e Swift a conta cu; e tabata bayendo direccion pa Shaba, y un otro a push’e fo’i caminda, perde control y drenta mondi. Por poco el a ranca un borchi di propaganda.
E auto a ricibi basta sla na e front, debi cu a dal contra di un troncon di mata den e pida mondi. Polis a documenta e accidente mientras ambulance a brinda e chauffeur atencion medico na sitio. Na final, presencia di takelwagen tabata necesario, mirando cu e auto no por a move riba su propio forsa.
![](https://24ora.com/wp-content/uploads/2022/03/20220319040259_IMG_3976-scaled.jpg)