Diasabra marduga alrededor di 3:00 am e habitantenan di Kudawecha a bati alarma p’un zonido duro den e area di Veld di Kudawecha. Mesora polis a presenta den e area pa monitorea e situacion. Berdad, na nan yegada, cerca di Kudawecha Apartments, a topa cu un Nissan March completamente destrui y cu por lo menos dos persona ta keha di basta dolor.
E March tabata biniendo for di pabou direccion Calbas tur cu tin, den e bocht a perde control, baha caminda y bay den contro di un cura di cas, di cual hasta un auto staciona a ricibi sla. E daño na e otro auto tabata basta tambe, ta trata di un Kia Soluto color cora. E March, practicamente no ta sirbi mas. Ambulance a presenta y a transporta e chauffeur pa hospital p’e ricibi atencion medico avansa.
Mas den laat, polis di trafico tambe a presenta na sitio pa documenta e accidente aki, di cual a hasta detene un persona na sitio.
