Otmar Oduber ta expresa cu ‘no por mata e galiña cu ta pone web’i oro pa Aruba’ relaciona cu e cobransa nobo cu lo kier bini pa turista. El a sali recientemente cu e critica fuerte ora cu a scucha minister di medio ambiente cu na februari lo pasa ley na parlamento pa cobra 35$ pa cabes na cada turista. El a bisa na un forma incorecto y no berdad cu hasta rapportnan y estudionan cu tin.
A resulta segun Oduber den su encuentronan cu ATIA, AHATA – y ta spera cu parlamento ta bay bishita e instancianan aki pa scucha cu ta imposibel cu unda na prome luga no tin ningun rapport traha. Y bo kier soluciona un problema di RWZI, unda kisas tur hende ta di acuerdo pa esaki cay bao Utilities of instancia priva pa maneh’e, ta aplaudi esaki. Pero pa kier soluciona e problema creando un otro problema y menasa pa turismo cu ta e galiña cu ta pone webo di oro door di kier cobra e placa ey cual simplemente no ta hustifica. Ora bo conta e 35$, cuanto placa e ta genera djis riba e parti di RWZI, ta mas o menos 40 miyon florin pa aña.
“Bo tin di puntra bo mes pa kico mester 40 miyon florin? Ken a haci estudio? Cua parlamentario a puntra pa rapport, di kico e inversion ta pa mehora RWZI?” Tempo cu Oduber tabata minister un rapport a indica cu lo tabata mester 27 miyon, awe ta tende mester 200 miyon, y si ta asina mes esey kiermen cu den cinco aña di tempo kier recupera e inversion?
Oduber ta bisa cu ta compronde kisas kier mehora hopi mas e infrastructura di loke ta trata e sistema di rioolering na Aruba, pero no por purba soluciona un cos y caba cu lo principal cu ta mantene nos na bida na Aruba.
Con por ta posibel bo ta cobra un persona cu ta bin di Corsou mainta, ta bay anochi e mesun binti dollar pa RWZI, cu bo ta cobra un famia turista cu tin tres luna di timeshare na Aruba, of cu tin un Airbnb. No tin logica. Anto e no logica ey ta pasobra ta facil segun Oduber, ta cobra e turista pa algo cu no ta real p’e servicio cu bo ta brinda. “Pa kico bo ta bay cobra e turista? No ta e turista bo ta dunando e servicio di controla, inspecciona avion, of aeropuerto, bo tin cu cobra e compania. Mescos e caso di RWZI, e hotel ta duna servicio na cliente,mester cobra e hotel pa e por paga”, segun Oduber ta comenta.
