E grupo preocupa den comunidad cu no ta desea pa Aruba haya mas hotel, tin atencion di ex-minister Otmar Oduber. E criticanan ta bini relaciona cu e hotel den construccion na San Nicolas, Secrets Baby Beach, cu ta enfrenta mas cu un reto.
E politico a papia cu Aruba no por stop di crece, pero e mester bay di un forma balansa.
No solamente ciudadanonan comun y coriente pero tambe tin organisacionnan cu no ta na fabor di mas hotel na Aruba. Na ningun punto y esaki pasobra ta di pensamento cu tin demasiado caba na Aruba. No solamente ta coy poco di e espacio cu tin habri ainda, pero ta trece varios otro reto pa pais Aruba.
“Ta nan derecho pa expresa nan pensamento,” Oduber a bisa. “Pero e realidad ta cu desde december, 2018, Gobernador y mi persona a firma un decreto gubernamental, a base di e echo cu a realisa cu tin mas cu 7 mil camber di hotel otorga na tereno, a dicidi di para e situacion aki.” Pues for di cinco aña pasa no por otorga mas tereno pa hotel / condominium of apartamento, pasobra den nan mayoria tabata wordo uza como hotel toch.
A haci solamente un excepcion, cu ta solamente un all inclusive pa San Nicolas. El a agrega cu for di 2017 caba tin un paro tambe na all inclusive na Aruba.
Den un entrevista amplio e politico ta bisa cu mester pone den balans e interesnan di tur partido. No por stop di crece, pero e mester bay den forma balansa pa por atende cu e retonan cu esaki ta trece cu ne.
Pa un relato mas amplio lesa TREMPAN.
