Recientemente Ivo Valdes, presidente di Organisacion di Pensionado Publico Arubano (OPPA) a reuni cu Minister Ursell Arends, relaciona cu “nos grandinan”. E minister ta responsabel pa e cartera di Adulto Mayor y como tal tabata na mesa cu OPPA. E reunion a cuminsa cu mal pia. E minister a cuminsa ta reclama OPPA cu; con bin prensa ta ricibi un carta dirigi na su persona, prome cu e mes a ricibie.
T’asina cu riba 17 di april ultimo, OPPA manda un carta p’e dicho minister cu como topico: “preocupacion di nos grandinan”, den e carta a vocifera diferente punto di mal contento. OPPA na su turno no a keda keto y a contesta e minister mesora. For di e mesun dia cu a manda e carta, e manda esaki pa BID, kende ta encarga pa tur documento oficial yega na e mandatario concerni. Awo, si minister no na ricibi e carta, ta keda pa reclama BID y no OPPA.
