Algun minuut despues di 1’or di merdia a bati alarma pa personanan indocumenta cu a mira ta cana den bario di Savaneta. Mesora a mobilisa diferente unidad pa e area en cuestion.
Segun e informacion cu 24ora a ricibi, tres persona a acerca algun persona den e area di veld di Undesa, esta Commandeursbaai net pabou di Kustwacht, pa yuda nan cu un boto cu tin problema. Naturalmente e ciudadanonan a bati alarma.
Mesora a cuminsa un buskeda full rond cu tanto patruya como helicopter. No a haya e personanan ainda.
Keda pendiente pa mas informacion.
