Prome cu merdia polis mester a intermedia den un caso unda cu un hoben a wordo ataca pa un cacho. E ta un problema cu a yega di mira mas biaha den e bisindario.
Tabata rond di 11’or di merdia cu Polis a bay den Caya Frere Johannes unda cu e problema a surgi. Dos hobencito tabata canando bay cerca un amigo ora cu riba nan ruta a topa cu cuatro (4) cacho los riba caya. E animalnan a ataca nan. Un di nan tabatin un saco den su man y esaki el a uza pa spanta e cachonan. Ora cu el a bay for di e sitio caba, a dicidi di pone polis na altura di e sucedido. Esaki no ta prome biaha cu ta haya su mes cu problema cu cachonan den e area ey.
E doño a yega na e sitio, probablemente a tende loke a pasa, y a trata di hinca e cacho den auto, pero esey tabata net na momento cu polis a yega eynan. El a informa nan cu e ta doño di e cacho y e lo tuma medida di precaucion.
