Diabierna tabata e D-Day pa Aaron Rodriguez, kende tabata esun cu a los tiro fatal riba Anthony Carti, alias Juni Maton, dia 4 di december, 2022, den area di sector hotelero.
Representante di Ministerio Publico a pidi un castigo di 16 aña pa e crimen aki, kedando den cuadro di loke ta normal di delito contra bida.
Pero ta parce cu Hues ta pensa diferente. Loke a hunga un rol pa un castigo diferente ta e hecho cu e acusado ta hoben y mester dun’e un chens cu e por rehabilita, ademas cu e victima mes a agridi’e di forma agresivo prome cu losmento di e tiro fatal. Na final a impone un castigo di ocho (8) aña.
Su amigo, Kion Serna, kende a uza un machete pa lesiona e victima despues cu el a haya e tiro, a ricibi un castigo hubenil. Ley ta bisa cu hobennan di 16 te cu 24 aña ta bini na remarca pa castigo hubenil.
Pa un relato mas amplio, lesa e siguiente edicion di TREMPAN.
