Finalisando un ciclo inicial di Toque de Queda, esaki a cera cu cinco detencion dialuna pa diamars mainta.
E detencionnan tabata di personanan canando riba caya direccion pa cas of den auto. Algun ta un poco despues di 9’or y otronan ta mas. Inclusive tabatin un caso den oranan di marduga. Un miembro di Cuerpo di Marina, kende aparentemente ainda tabata celebrando Dia di Rey. E tambe a wordo hiba Warda di Polis.
Pues tin un total di 9 persona cu a keda deteni y hiba warda. Ta laga nan liber den oranan di mainta.
Ayera Gobierno a anuncia cu ta bay adapta e Toque de Queda introduci dia 21 di maart ultimo. Esaki ta nifica cu e orario nobo ta di 10’or di anochi pa 5’or di mainta. Por lo demas tur cos ta keda igual.
