Awe hues-comisario a trata e peticion entrega dor di Ministerio Publico tocante detencion di e sospechoso Pieter Th.A. Susebeek. Hues-comisario a duna ordo pa su detencion (gevangenhouding) y a dicidi cu e sospechoso aki lo keda den detencion pa awor.
Riba peticion di Ministerio Publico mes, hues-comisario a suspende detencion, den e casonan contra e sospechosonan Franklin F. Abath, Freddy P. Every y Maria Leoncita Arends, pero mara na cierto condicionnan.
Banda di condicionnan general, hues-comisario a pone como condicion special cu e sospechosonan ta prohibi di tin contacto cu cierto personanan y cu nan mester coopera cu e investigacion.
