Diaranson ultimo a detene e sospechonan Benny Sevinger y Claudia Sevinger. Ta sospecha e parlamentario di a comete varios hechonan castigabel, entre otro, soborno (omkoping), abuso di cargo (ambtsmisbruik), labamento di placa (witwassen) y participacion na un organisacion criminal (deelname aan een criminele organisatie).
Ta sospecha casa di e ex-minister di labamento di placa. Awe, despues di merdia, hues-comisario a trata e detencion (verlenging inverzekeringstelling) di e dos sospechosonan aki y a bay di acuerdo cu peticion di fiscal pa prolonga ambos pa awor, na interes di e investigacion.
Pa awor nan por keda cera ainda te cu un maximo di 8 dia mas. Prome cu yega e 8 dianan, si acaso kier alarga e detencion, lo mester acerca hues-comisario atrobe cu e mesun peticion di prolongacion.
