Organisacion Nos Baranca, for di añanan 80, ta organisando diferente actividad pa tene e comunidad Arubiano hunto y den contacto.
Ta trata di actividadnan pa of di studiante pero tambe fiestanan cultural manera Dera Gai y un tempo Festival di Dande.
Segun cu nos tin entendi, Omaira Lares, directora di DRH, tabata un di e prome presidentenan y ta conta cu e aña aki e fiesta di Dera Gai ta celebrando su di 29 aña cu e ta wordo organisa. E fiesta aki ta uno bon conoci y bishita door di e Arubianona. No manera Arubadag, pero toch un actividad cu ta celebra nos cultura, cu baile, show y canto pa loke ta e fiesta di San Juan.
E biaha aki e fiesta di Dera Gai ta tumando luga diasabra awo, dia 30 di Juni den Zaal Boerke Moetsaers na Tilburg y ta spera cu manera tur aña e ta bon atendi.
Mirando cu falta 1 aña pa nan cumpli nan di 6 lustro, nos ta hopi sigur cu ya caba nan ta preparando en grande pa celebra e actividad aki.
