E sindicato Federacion di Trahadonan di Aruba (FTA) a cuminsa e proceso caba pa haya un referendum na aeropuerto. Nan a aserca Mediado di Gobierno Anselmo Pontilius cu e peticion aki.
Pa Mediado por yama un referendum, e sindicato mester a proba prome cu nan tin mayoria di e trahadonan afilia cu nan, cual a sosode y despues di esaki a publica den medionan cu ta bay tin un referendum. Prome cu esaki a tuma luga, Mediado di Gobierno ta reuni cu e partidonan apart, esta FTA y gerencia di Triple A N.V., pa splica nan con e ley di referendum ta hinca den otro.
Y cu si resulta E intencion pa tene un referendum mester keda informa publicamente por lo menos durante 14 dia. Pero mester tene na cuenta cu, otro sindicatonan tambe por participa den e referendum, segun Pontilius a splica. E sindicatonan mester prueba cu nan tambe tin miembro cu a yega formulario. E peticion ta consisti di dos fase, e prome ta pidi e referendum y e otro ta pa publica cu tin un referendum cu ta bay tuma luga. Esun cu a pidi e referendum cumpli cu tur exigencia, mester fiha fecha y ora di e luga pa e referendum.
Aworaki aeropuerto tin un CAO vigente, te cu december awo, cu nan a firma cu sindicato STA. Den e referendum cu ta bay tuma luga, lo dicidi cual sindicato ta bay representa e trahadonan. Normal ta cu esun cu gana, e compania ta reconoce nan como representante di e trahadonan. Te ora cu tin e resultado aki, por cuminsa cu negociacion pa un CAO nobo.
Sindicato STA ta representa e trahadonan di aeropuerto te cu awo. Pero recientemente a surgi un malcontento unda cu un grupo grandi, mas cu 100, a dicidi cu nan ta prefera di afilia nan mes na otro sindicato y a scoge FTA.
