Den presencia di entre otro ministerio di Turismo y Salud Publico y demas stakeholder y partner, diaranson atardi SVb a lansa e producto di mas nobo pa su aseguradonan – den e caso aki e trahadonan di sector priva. Ta trata aki di e ‘MiSVb Trahado Mobile App’, esaki bo por uza pa haya acceso na informacion di asegurado, y tambe pa meld AO.
E app aki lo facilita trahado pa loke ta e parti aki, yama SVb riba e parti aki ta bira cos pa pasado. Pa medio di e app aki tambe e trahado por controla si salario yena pa su dunado di trabao ta cuadra cu su salario real. E ta haya un historia tambe di su ziek-melding, por tuma contacto tambe cu diferente departamento di SVb por medio di e app.
“Sigur e lansamento di e app aki ta pas den e vision cu Ministerio di Turismo y Salud Publico tin den haci uzo di tecnologia disponibel pa facilita e servicio cu nos ta ofrece na nos ciudadanonan,” segun minister di Turismo y Salud Publico, Dangui Oduber.
Lesa mas den TREMPAN.
